Мылтықбаев  Оразғалиға.

 

Тал  бесікті  тербететін  ән  қандай,

Періштедей  күміс  қанат,

                                           ай  маңдай.

Әнмен  бірге  қасиеті  ананың,

Нәрестенің  жүрегіне  тамғандай.

 

Есейгелі  етек  жауып,

                                        ес  біліп

Таң  сәріде «alborado»    естіліп,

Күндіз  қызу  еңбек  үні  дүбірлеп,

Серенада  сыр  шертеді  кешкілік.

 

Ре  минорда  қызықтырып,

                                                қаласа

Фа  мажорда  құлпырады  жаңаша.

«Legato»    сүйетұғын  еріннің,

«Staccato»  күлгені  де  тамаша.

 

«Forte»  үнмен  мауыққаның  көктемгі,

Көрші  қыздың  көкейінен  кетпейді.

Мұң  шаққаның  соншалықты  «piano»

Періштенің  құлағына  жетпейді.

 

Пернелерде  үйлеспесе  ән  кенет,

«Cacaphoy»  мазалайды  әурелеп.

Құдай  үні – инфра  дыбыс  ғарыштан

Асқынғанды  келтіреді  тәубеге.

 

Ит  етектен,

                   жау  алғанда  жағадан,

Ұран  салып  айға  ұлиды  абадан.

Тылсым  сазға  табиғаттай  ұйыған,

Қобыз  кеуде  МАЭСТРО  әр  адам.