Тайға  таңба  басатын  көнелерім,

Ал  кәзіргі  жастардың  көп  өнері.

ТАТУ - таңба  тәнінде,

                                      мен  өзіңді

Жүрегіме  басуға  көнер  едім.

 

Жүрек  деген  бұлшық  қой,

                                            қанға  батып

Кім  көріпті  жүрекке  таңба  басып.

Сыздатпайды,

                          өшірмек  болсаң  ғана,

Ушығады,  жазылмай  жан  жарасы.

 

Талай  таңды  сезімсіз  атырсаң  да,

Көкжиегін   көңілдің  жасын  шарлап,

Талай  жұлдыз  өшеді.

                                   Тек  тынымсыз

Лүпілдейді  жүректе  ТАТУ – таңба.

 

Жасындайын  жалт  етіп,

                                          ғашық  етіп

Қалмасыншы  деп  едім  атың  өшіп.

Сұлу  болып  туғаның  бақытың  да,

Ақын  болып  туғаным - қасіретім.