Сансыз  діндер  сайысы  сананы  өртеп,

Жаназасыз  ақыры  арам     өлсек.

Мынау  жұмбақ  жиһанда,

                                         ұрпағыма,

Менен  мирас  қалады  нана  бөлшек.

 

Кешіп  өтіп  ғарыштың  құйындарын,

Кеңістікті  қаншама  шиырладым.

Пейішке  де  енетін,

                                  дозаққа  да,

Шырылдаған  беймаза  шыбын  жаным.

 

Бастан  кешкен  өмірдің  сергелдеңін,

Парасатты  ғаламдық  зердем  менің.

Сақталады  зередей  түйіршікте,

Сезгендерім,

                    естіген  көргендерім.

 

Осы  менің  бақиға  айналғаным,

Құс  жолында  жұлдызы  жанған  бағым.

Құдіретті  қуаттың  хабаршысы,

Құран  тілді,  киелі  пайғамбарым.

    \Құпиясын  аша  алмай  зертханада,

    Отырады  ғалымдар  қайран  қалып.\

 

Кім  пайғамбар,  кім  сайтан  жын  біле  ме,

Мені  бірақ  текке  өмір  сүрді  деме.

Аруағым  жүр  жиһанның  жықпылында,

Құран  оқы, 

                   қол  жайып  сүмбілеге.