Планетарии –

                        жұлдыздардың  әлемі,

Тылсым  түнде  аспан  қандай  әдемі.

Пері – түннің  сырын  ашты  перизат,

Жеткізгендей  Көк-Тәңірдің  сәлемін.

 

Пәкиза  қыз

                 – астрофизик  бұл  керім,

Жәйіп  салды  фотон  спектірлерін.

-«Өшіп  қалған  квазарлар  тарихы,

Көріп  жүрген  жұлдыздардан  күрделі.

 

Бағынатын  біз  білметін  заңдарға,

Мынау  жалған  жалғыземес

                                             таңданба.

Қара  құрдымға  құйылып  бұл  әлем,

Өтіп  жатыр  «жанамалы  жалғанға.»

 

Сан  жиһанды  сыиғызатын  құшағы,

Жанамалы  жалғанның  біз  тұтамы.

Құйын  көкке

Иірім  су  түбіне,

                         батырғандай,

Құрдым  бізді  жұтады.»

 

Пәкиза  қыз  қойды  еппен  жымиып,

Мен  сезбеймін  галлактика  құйынын.

Сезетінім,

                   шым  батырар  бетіңде,

Жымиыстан  пайда  болған  иірім.