Есім  кіріп,  етек  жеңім  жыйғанда,

               Ән  іздедім,  елім  саған  силауға.

 

Нұрландырып  ділді, 

               мыйдың  қатпарын,

Жөргегімнен  бесік  жырын  жаттадым,

Табиғаттың  тылсым  үнін   тыңдадым,

Тек  халықтың  жеткізе  алған  мұң,  зарын

«Елімай» дан  сазды  әуен  таппадым.

 

              Есім  кіріп  етек  жеңім  жыйғанда,

              Тіл  іздедім,  елім  саған  сыйлауға.

 

Әлімсақтан  келе  жатқан  сақталып,

Тасқа  басқан  тарихымды  ақтарып,

Гомерге  де,

Жамбылға  да  жүгініп,

«Сumanicus»  сөздігіне  үңіліп,

Сақ  тілінен  орамды  тіл  таппадым.

 

              Есім  кіріп,  етек  жеңім  жыйғанда,

              Дін  іздедім,  елім  саған  сыйлауға.

 

Айдосаннан, 

                       аглосанға  ат  салып,

Көктен  түскен  төрт  кітапты  жастанып,

Көңіл  жетпес  шексіздікке  таңданып,

Тоқсан  тоғыз  атын  атап  Алланың

«Көк  Тәңірден»  артық  дінді  таппадым.