Атқанда  таң,

Кірпігін  күн  көтеріп,

Комбинатты  бетке  алып  із  кесеміз.

Көше  бойын  сақшылар  жаулап  апты,

Астанадан  келе  ме  бір  көкеміз?

 

Металургтер  даңғылы  «құлыпталған»,

Автокөлік  тұсалып  тұрып  қалған.

Әпербақан  кеудеде  күдік  те  бар,

Қаламыз  ба  кешігіп  жұмыстан  да?

 

Қарт  металлург  өзінше  бұрқырап  жүр,

–Жол  беруді  үлкенге  ұмытқан  ба?

Жұрдай  ма  еді  әдептен, 

                                       ғұрыптан  да?

 

Оқасы  жоқ,

Жолымыз  төте  біздің,

Келгені  де  жақсы  ғой  көкеміздің.

Келген  сайын  тазарып,

                                  сыпырылып,

Өңі  кіріп  қалады  көшеміздің.