(Сыздық  әкеміз  Большевиктердің  белсендісі  бола

                           тұра  қуғынға  ілігіп,  ақыры  ақталып  оралғанда

                           «Қалайда  шындық  бар»  дегенді  меңзеп  ұлына

                           ПРАВДА  деген  есім  беріпті)                                                                                                      

                    

 

Азапқа  да  төзетін,

                                 мазаққа  да,

Пейішке  де  сенетін,

                                    дозаққа  да.

Қыл  үстінде  ұлына  ПРАВДА  деп,

Ат  қоятын  өлермен  қазақ  қана.

 

Жала  жауып  тұрса  да  кіл  өтірік,

«Шындық  бары»  Сыздықтың  білетіні.

Ұлы  Абайдың  сөзіне  құлақ  ассақ,

ШЫНДЫҚ  деген  Алланың  бір  есімі.

 

Ақиқат  бар  айтарлық  тағы  мұнда,

Сәл  кешігіп  Хақ  жолы  табылуда.

Ленин  бабам  білгенде,

                                      бұқараны,

Бастар  еді  Шындыққа  табынуға.

 

Қабыл  болса  адамзат  тілегені,

«ПРАВДА»  газеті  де  түлер  еді.

Хақылы  мемлекеттің  керуені,

ХАҚ  жолына  қалайда  тіреледі.

 

Өмір  көші  құяр  деп  бір  арнаға,

Болашаққа  асықтық  құмарлана.

Коммунизм  жақындап  қалар  еді,

Жетпіс  жылда  табынсақ  ПРАВДАҒА.