Ол  жәйлі  аңыздар  көп,

                                         күтіп  іштен,

Ғашық  боп  дидарына  кісі  біткен,

Адамдар  түгілі  оған

                                   замандар  да,

Қараған  сан  керағар  түсінікпен...

 

Дәуірдің  тұнып  көзге  нала –жасы,

Көшіпті  сараң,

                      дархан,

                                 дана,

                                           масы.

Өшіпті  бәрі  солай,  бізге  дейін,

Оқылып  ғұмыр  деген  жаназасы!

 

Тек  қана---

Сұлулықтың  тарқамай  тойы  жылда,

Зұлымдықтың  тойтарып  сойылын  да,

Лапылдап  жанып,  сөнген  ғасырлардың,

Қоламта  сияқты  ол  қойынында!

 

Кемеңгер  ғана  оның  тапқан  атын,

(Кереңдер  қолы  жетсе  мақтанатын).

Сұлулық – Мона  Лиза,

                                    эрмитаждың,

Ішінде  мәңгі  бақи  сақталатын!

 

Телміріп  ақ  аспанға  ғашық –үміт,

Іздейсің  жанарыңа  жас  ілініп.

Сен  көрмей  өтіп  кеттің,

                                           әйеліңнің,

Көзінде  тұрғантын  ол  жасырынып...

 

Ол – Муза,

Тадж-Махал,  бай  өрнегі,

Көп  оның  бояулары,  әуендері.

Сұлулық—

Некрасов  жырлап  өткен,

Орыстың  отқа  кірген  әйелдері!

 

Арқауын – алтын  аңыз, 

                                        ертектердің,

Ақынның  ойыменен  өлшеп  көрдім.

Кейде  оның  ғажап  емес  тұруы  да,

Ерінінде  Сәкендей  еркектердің.

 

Іздейміз  дәйім  оны  таңсық  көріп,

Кетеміз  кейде  жерге  жаншып,  көміп.

Соғыста  жалын  кешіп  жүреді  олар,

Жанна  Д  Арк  болып,

                                     Мәншүк  болып!

 

Сұлулық  не  дейсің  бе,

                                       білемін  мен.

Сезінем  қанымменен,  сүйегіммен.

Қашанда  өлшеу  керек  сұлулықты,

Тек  қана  ғашықтардың  Жүрегімен!

 

 

 

 

           ***

 

Пандат- таңға  қосып  мұра, 

Мінәжат  қып  ғарышқа.

Сен  отырсың  оқып  дұға,

Екеумізге  бағыштап.

 

Пәктігіңмен  көрікті  едің,

Жан  күнәдан  арылсын.

Ақ  ниетің  періштенің,

Құлағына  шалынсын.

 

Мәңгі  Рухтың  жүзіндей  Күн,

Нұрландырып  жанымды.

«Әумиін»  деп  күбірлеймін,

Жайып  алақанымды.