Тарихтың  асау  оқиғалары

Кетті  ғой  бізден  қара  үзіп,

                        Үнінен  төккен  жалын.

Ананың  көз  жасын,

Даланың  көз  жасын  ағызып,

                         Соғыстар  өткен,  жаным...

 

Жүргенде  шалқып

Кеудені  керіп,  жырғалып,

                     Мекендеп  шуақты  біз.

Ел  үшін  жасар

Ерлік  істерден  құр  қалып,

                     Кеш  туған  сияқтымыз!...

 

Рахат,  бақыт – болашақ  ғасыр

Құшағында  дейді  ел  көпіріп.

                     Сенетін  мұңлық  та  көп.

Жүреміз  сонда

Өмір  сүреміз  өкініп,

                     Тым  ерте  тудық  па  деп?!

 

Бәріне  соның

Сенбеймін,  достым,  таң  қалам.

                     Алдайды  бізді  тәтті  үнмен.

Өз  ғасырының

Перзенті  бола  алмаған –

                     Өзге  ғасырға  жат  мүлдем!