Арызымды  айтам  айшықтап.

Қызықпай  тәжге,  таққа  да,

О!  Тәңірім! 

Ақтық  айтыста,

Ақын  бер  маған,  бақталас.

 

 

Арбалман  зекет,

                       пітірге.

Ұрланған  махаббатқа – да,

Екі  жартыны  бүтіндеп,

Ақын  бер  маған   бақталас.

 

Қошамет  емес,

Дүр  еткен

Жаңғырық  тербеп  ауаны.

Үйлесіп  екі  жүрекпен,

Дауыстар  кезсін  даланы.

 

Түсініп  мені, 

                     жерінген

Сәтімде  тіреп  кеудемді,

Жаралы  еріндерімнен,

Әкетсін  іліп  кернейді.

 

Мейлі  ол, 

                 қару  кезеніп,

Қызғаныш  көміп  қысасқа,

Өкініш  өртеп  өзегін,

Өлтірсін  мені  пышақтап.

 

Кеш  оны. 

Арсыз  қоғамда,

Айтысып  өтсін  көз  ілмей,

Бақталас  жібер  оған  да,

Мен  сынды,

                   яки  өзіндей.

 

 

 

 

 

             ***

 

Мейрамхана  кемедейін   шайқалады.

                                      масқара,

Ол  өзінің  сүйіктісін 

                         ұзатпақшы  басқаға.

 

Отырамыз  қарсы  қарап,

                          үстем  мерей  адамдар.

Махаббатсыз  отау  құру 

                          таңсық  емес  заманда.

 

Ақ,  қараны  айырмайды,

                                   боранның  мас  түтегі,

Мейрамхана   жабылады,

                                       мейманхана  күтеді.

 

«Қой  сүйіктім  тарануды, 

                                паригің  сәл  тербеліп,

Құй  шетендік  арағыңды, 

                                  үшеумізге  тең  бөліп.

 

Ештеме  де  өзгермейді, 

                               жыламаймыз  ес  кетіп.

Ұмытпассың  көзкөргенді,

                                жолығармыз  кештетіп.

 

Сүйерсің  де  жеркенерсің, 

                               сезіміңнен  кешіккен,

Жамылғыңды  түсірерсің 

                                 шыға  бере  есіктен.»

 

Шансоньенің  мақамына

                                 ақбоз  аттар  билеген,

Босағадан  жөнеп  бердің, 

                                  алтын  зерлі  күймемен.

 

Пышақтасып  жатпайды  ешкім, 

                                     сұрамайды,

                                                     масқара.

«О!  Хайуан!  Сүйіктіңді 

                                   неге  ұзаттың  басқаға?»