Ақшаның  құдіретін  білесің  бе?

Шашсаң  да  ол  қалмайды  күресінде.

Қомақты  қаржы  бөлді  «Нұр  отанға»

Сыбайлас  жемқорлықпен  күресуге.

 

Жеткенде  күрескерлер  алқасына.

Қалмастан  қазысы  да,  қаңқасы  да.

Сол  қаржы  судай  сіңіп,

                                               тастай  батып,

Жемқордың  түсіп  кетті  қалтасына.

 

 

          ***

Бір  жұлдыз  сөнді  тозаңды  ғарыш  түбінде.

Қаперсіз  әлем,

                          жоғалтпағандай  түгінде.

Бір  адам  өлді  тарыдай  жердің  бетінде,

-Бір  ғалам  өшті  кеудемнің  кеңістігінде.