Құбылысқа  қоғамдық  баппен  қарап,

Өмір  сүрсек  қайтеді  мақтанбай-ақ.

Жұмыртқалаған  тауық  қыт-қыттайды,

Кіші  гірім  жер  шарын  тапқандай – ақ

 

Тау  қопарып  еңбекпен,

                                              жастанбай  мұз,

Бар  бақытты  мұнайдан  тапқандаймыз.

Жиырма  бес  жыл  шешпеген  мәселені,

Күні  ертеңге  жоспарлап  аттандаймыз.

 

Кетсе  дағы  арзандап  құнды  мұнай,

Жат  экономикаға  да  құлдық  ұрмай,

Үш  тәулікте  үш  есе  қымбаттаған,

Өзбекстан  сумының  сұмдығын-ай.

 

Аңыз  қылған  елімнің  шартарабы,

Бес  жүз  елу  жылдың  да  бар  сабағы.

Обылыстан  төрт  адам  тойға  барса,

Тойлады  деп бүкіл  ел  жар  саламыз.

 

Жетілмеген  санасы  жастарды  аяп,

Даурықпаны  қояйық  ақтармай-ақ.

Елуінші  жылдарда   елу  елдің,

Қатарында  болайық  мақтанбай-ақ