Тасбас  бай  бүлік  шығарса  не  дерсің,  бала?,

Рулас  елдер  жауласса  шегерсің  нала.

Асыққан  сәтте  тас  жолда  түйесін  тастап,

Құс  болып  ұшып  жетіпті  Көгершін  ана.

 

Сұрапыл  соғыс  алауы  тоқтамай  жанып,

Құлайтын  сәтте  төбеңе  аспан  айналып.

Қанатыменен  Көгершін  қалқалағанда,

Жауздық  қатып  қалыпты  тасқа  байланып.

 

Құрбандығына  ананың  берерсің  баға.

Қанға  емес  гүлге  орансын,

                                                    көгерсін  дала.

Айналып  тасқа,  екі  елдің  бірлігін  сақтап,

Шекара  шыңда  әлі  отыр  Көгершін – АНА.