Жазғы  жаңбыр  танытып  ерке  қылық,

Аспан  астын  жіберді  ертегі  қып.

Жылы  тамшы  төгіліп  төбемізден,

Билеп  ала  жөнелді  жер  тебініп.

 

       Жасқанбаңдар  келіңдер,

       Жалаңаяқ  билеуге.

       Жаңбыр  шәйған  еріннен,

       Бал  тамады  сүйгенде.

 

Қызығына  жаңбырдың  қанып  құмар,

Мөлдір  әлем  көгіңнен  тамып  тұрар.

Кәусарына  кел  құрбым  шомылуға,

Тамшылардан  берейін  тағып  тұмар,

 

        Қайырмасы

 

Аласұрған  ақ  жауын  ішінде  мен,

Кереметке  тап  болдым  күтілмеген.

Шыт  көйлегің  кеудеңе  жапсырылып,

Көздің  жауын  алады  мүсін  денең.