Қазахстан  вошел  в  десятку  стран 

               с  самым  высоким  уровнем  суицида.

                                                                     / из  интернета/

 

Білем  анық

                      ажал  кек  сақтамайды.

Ауыртады  жанымды  басқа  қайғы.

Жатырдағы  шарана  қорқыныштан

Бұл  фәнидің  есігін  аттамайды.

 

Қорқынышты  өмірім  өлімнен  де,

Құтырған  жын  ойнақтап  төр,  іргемде,

Досың – дұшпан,

                        пейіл – жұт,

                                           үміт – ғайып,

Мынау  жұртқа  бір  тажал  көрінген  бе.

 

Көнбіс  едік,  қажытпас  қиын  жалған,

Қаңғып  келіп  жат  жұрттан,

                                              қиырлардан,

Көрден  шыққан  суицит,

                                             қара  таппай,

Қазақтарға  байымас  ұрынғаннан.

                                                       

Кеңістікте  үрейден  еседі  леп,

Есірткіден  елірген  есері  кеп,

Мойыныма  салады  қыл  арқанын,

Қалған  мұра  бабаңнан  осы  еді  деп.