Үйретуге  тілге,

                                   мейлі

Күш  жұмсадық  қаншалық.

Тіл  шыққан  соң  үндемеуді

Үйрете  алмай  шаршадық

 

Бала  деген  данышпан  ғой,

 Баста  жатыр  қанша  ой.

Бар  мәселе,

                       өскенде  де

Данышпан  боп  қалса  ғой.

 

 

                    ***

 

Ақыл  айтамын. 

Өмірге  мынау  келгенде,

Суыққа  шыдап,  қаталап  көрсең  шөлдерде,

Тағдырға  налып,  бола  көрмеңдер  шерменде,

Ағайын – бауыр!

                          Айтарым  осы  сендерге.

 

Бұйырмай  еншің,  үлесің  талай  қырқылар,

Еңсені  басар  қайғының  қара  бұлты  бар.

Қанағат  қылсаң,

                             қашанғы  тағдыр  қырсығар,

Жадырап  жаның,  жанарың  қайта  құлпырар.

 

Әлемді  танып,

                           алпауыттарды  өр  кеуде,

Батыс  пен  шығыс  санаңды  саққа  бөлгенде.

Безінбе  жерден,  безінбе  туған  елден  де,

Отандастарым!

                           Айтарым  осы  сендерге.

 

Көрер  қызығың  еліңмен  туған  бір  шығар,

Әлемге  сенде  мақтана  қарар  күн  туар.

Батыс  пен  шығыс  орталық  елге  ұмтылар,

Қолыңды  сенің    қысуға  бәрі  құлшынар.